موضوع غريب بعض الشيء وأريد رأيكم فيه

[جوريه ذوق]

المشاركة الأصلية كتبت بواسطة حبيس الدار والله حلو كلامك بس ياليت تعلمي البنات وتفهميه بعد لو تقدم اليهم احد وشكله مو حلو أنه توافق عليه ولاتهتم بالمظهر الخارجي وانه الجمال جمال الروح بس هذا أخر شيء بنات هالزمن يفكروا فيه يبون واحد هااااااااي وتبع ماركات وبلاوي أنتي وغيرك وانا نعرف الا صاير بالوقت هذا والله يستر على عباده

اخوي حبيس الدار منو قالك انا مع البنات الي يسوون هالتصرف بالعكس
الرجال اهم شي اخلاقه يعني الرجال من غير اخلاق بالنسبه لي ولا شي
شنو الفايده عنه جمال من غير اخلاق او افلوس من غير اخلاق
في نظريه بعض الامهات يؤمنون بها عاد انت ما ادري شنو تعليقك عليها
الزوجه المفروض تصير احلا من الزوج علشان ما يشوف نفسه عليها ويصير مغرور
اقول انا متزوجه لاتحطني معاهم انا مو مثلهم
والي تسوي هالتصرف انا ضدها اهم شييييييييييييييي اخلالالالالالالالالالالالالالاقه

[حبيس الدار]

المشاركة الأصلية كتبت بواسطة جوريه ذوق اخوي حبيس الدار منو قالك انا مع البنات الي يسوون هالتصرف بالعكس الرجال اهم شي اخلاقه يعني الرجال من غير اخلاق بالنسبه لي ولا شي شنو الفايده عنه جمال من غير اخلاق او افلوس من غير اخلاق في نظريه بعض الامهات يؤمنون بها عاد انت ما ادري شنو تعليقك عليها الزوجه المفروض تصير احلا من الزوج علشان ما يشوف نفسه عليها ويصير مغرور اقول انا متزوجه لاتحطني معاهم انا مو مثلهم والي تسوي هالتصرف انا ضدها اهم شييييييييييييييي اخلالالالالالالالالالالالالالاقه

ايوه عليك نور والله يوفقك ويستر عليك وعلى أولادك

[أشجان]

يقول المثل الفرنسي : تفضل المرأة أن تكون جميلة أكثر من أن تكون ذكيةلأنها تعلم أن الرجل يرى بعينيه أكثر مما يفكر بعقله

ومشان ماحد يزعل ترى حتى البنات هيك

[حبيس الدار]

المشاركة الأصلية كتبت بواسطة أشجان يقول المثل الفرنسي : تفضل المرأة أن تكون جميلة أكثر من أن تكون ذكيةلأنها تعلم أن الرجل يرى بعينيه أكثر مما يفكر بعقله ومشان ماحد يزعل ترى حتى البنات هيك

لاتعليق على ردك

[وجه المرايا]

المشاركة الأصلية كتبت بواسطة أشجان يقول المثل الفرنسي : تفضل المرأة أن تكون جميلة أكثر من أن تكون ذكيةلأنها تعلم أن الرجل يرى بعينيه أكثر مما يفكر بعقله ومشان ماحد يزعل ترى حتى البنات هيك

معظم الفرنسيين اغبياء إذا مو كلهم

طاح حظهم على هالامثال

أنا عن نفسي اشوف البنت اللي ما عندها نصيب في الجمال عايشة في نعمة على الاقل تضمن حالها انها ما راح ترتبط بواحد غبي

لأن لو كانت جميلة و صار شيء في شكلها بتشوفوه على طول يتخلى عنها

وبالنسبة للبنات نصيحة:

كلما زادت وسامة الرجل قل اخلاصه للمرأة

يكفيكم غباء

[Student]

انا مادري متى مجتمعنا يحترم الاخر في اختلاف الراي

انا في رأيي الولد اللي عمله عين الصواب
نعم صحيح شي يجرح لكن في هذي الامور لا تصلح المجاملات هذا قرار مصيري بتجامل فيه!

طبعا الولد ماعنده سالفة وسببه سخيف لكن طالما هذا تفكيره فاللي سواه عين العقل
يعني هو بروحه كان يقنع نفسه بالجمال المتوسط ويحاول يكون قنوع لكن لما عرف انها نحيلة...في ناس بجد مابتحب تشوف اثر عظام في جسم شخص

على العموم حصل خير... والسبب يبين انه سخيف لكن رب العالمين له حكم بهالدنيا وبالاقدار والارزاق وقد يكون هناك سبب وراء القدر لا يعلمه الا الله...

احسن مايظلم بنات الناس معاه وياخذها وهو جابر عمره ...ومافي وحده ترضى بواحد لو عرفت انه مجبور عليها...

واتمنى من الشباب انهم مايتحرجو عن فسخ الخطبة مع اي بنت لان هالامور لا تحتمل المجاملة وتظلمون البنت معاكم كذا...
وعسى ان تكرهو شيئا وهو خير لكم
وعسى ان تحبو شيئا وهو شر لكم
والله يعلم وانتم لا تعلمون!

الله يرزقه ببنت الحلال اللي ترضي رغبته والله يجبر بخاطر البنت بولد الحلال يقدرها و يحطها بعيونه

والناس تختلف ويجب احترام جميع الاراء...كلنا خطائون...ولو شاء الله لجعلنا كلنا معصومين... وفي النهاية هذا حق الولد ماحد يلومه...بالعكس انا اهنيه على شجاعته لانه فسخ الخطبة بالبنت واتمنى يكون قدوة للشباب اللي مثله والبنات والاهالي يتقبلو هذا الشي...هذا حق الولد

[وَسَـــن]

موضوع جميل والحضور أثروه بآراءهم

رأيي القاصر يقول بأن الشاب لما بيتقدم للبنت إللي بتكون شريكة عمره لابد أن يكون عن اقتناع قبل أن يطرق باب الناس ,

إن سمحت له الظروف أن يرها قبل الخطبة لكونها من العائلة مثلاً أو زميلة عمل أو أو ولكن إن لم يتممكن من رؤيتها يخبرأهله ويتقدموا وأول شيء يطلبوه النظرة الشرعية وعلى أساسها يحدد يبغاها أو لا , مع إن الأمر لن يخلو من جرح مشاعرها لكن ويش نسوي في مجتمعنا خوب ماكو طريقة يشوفها دام إنها متغطية ( البنت اللي تكشف وجهها في حياتها العامة قليلة أدب في نظر هم وماتستحي )
المجتمعات إللي ماتتغطى لكن محتشمة والبنت متحجبة بحجاب ساتر وعباية ساترة خطبتها أسهل داكي داخلة طالعة بحشمتها ووجها معروف في الفريق إللي بيتقدم حافظ ملامحها يتقدم مطمئن .........شطحت بعيد شوي لكن في صلب الموضوع

بس إحنا لازم ننحط في هالموقف أمرنا لله

[سماوة]

صرحة إذا ناس ما حطت اعتبار لجرح مشاعر المخطوبة
يدل على أنانية المجتمع وظلم النس للبنية
وفي حالة المشكلة هادي اللي شاركوا ما قصروا
من وين ليي راي زيهم
يسسسسسلمو